宅男女神丨鄧洢玲遇電話詐騙案　阿旦開直播感慨稱：點解呢個世界有咁多壞人？

「元祖級𡃁模」鄧洢玲（阿旦）於2004年加入模特兒行列後曾是施念慈旗下的模特兒，曾參演過TVB的《赤沙印記@四葉草.2》、《逆天奇案》，也參加過ViuTV節目《G-1格鬥會》。

這位「宅男女神」開了按摩店，可是鄧洢玲日前在個人IG開直播透露被騙經歷，在直播無奈稱：「點解呢個世界有咁多壞人呢？」

然後鄧洢玲指，決定公開此事原因是不想有人受害，說：「不過呢個市道係比較多人偷呃拐騙，今次分享都係畀大家打個底，希望大家都唔好中招。」在她未正式講述事件前，有網民留意慰問她，阿旦即先報平安回答：「（我）冇俾人呃啲乜，純粹分享吓經歷。」

東張女神丨學霸港姐王嘉慧生帶狀疱疹　Cathy曾到新加坡：估唔到旅行完返嚟就生蛇

▲ 鄧洢玲開直播提醒大家小心電話詐騙。

騙徒聲稱要包場

於是鄧洢玲細述事件，指這次遇上電話詐騙與以往大眾所知不同，形容是個「新劇本」，特別做生意的人要留意，說：「有一個人cold-call嚟按摩店，話想搵負責人。話嚟緊想做一個包場活動，連續包兩日，話有32個人上嚟按摩。」

之後她叫職員whatsapp這「客人」，但對方卻沒回覆，而要相隔了些時間，這名「客人」才回電表示轉了電話號碼，要負責人致電他另一電話，然後阿旦就很快收到whatsapp電話來電。

▲ 鄧洢玲曾參曾ViuTV開台時期一批的節目之一的《G1格鬥會》。（經濟日報圖片）

扮作護老院負責人

鄧洢玲回憶稱：「佢聲稱自己係一間護老院嘅負責人，係一個男人，講廣東話但係口音唔正。」但表示一開始「所有嘢都非常正路」所以向對方表示可上門按摩，不過就被拒絕，她說：「佢哋堅持，係堅持，話希望帶老人家出去走吓，曬吓太陽，按吓摩。」然後彼此也傾談了非常多細節，當時仍不覺得對方有何問題。

不過，在傾談時，對方已間下陷阱，阿旦說：「對方話：『你記得畀多啲discount我喎，因為呢件事都係我處理。我一路都會搵你。』嗰晚我都冇乜為意，因為同緊朋友食飯，佢就好急咁追我開Invoice畀佢，其實佢係催我畀Invoice，好奇怪。」

要求代買電動輪椅

之後，阿旦如約給對方Invoice，可是翌日早上，她收到對方連續多個whatsapp call，表示下午轉錢到戶落訂：「臨收線之前佢就講：『鄧小姐你會唔會識得有人買電動輪椅？因為聽日有人嚟巡查，需要25部指定牌子指定型號。」

鄧洢玲於是幫忙找，可是也找不到，之後又再收到對方電話，表示希望阿旦幫他們在某店買電動輪椅：「佢話因為自己同個老闆有拗撬，所以對方唔肯賣畀佢。去到呢度，我都覺得咁奇怪嘅。我未見過你，又唔係咁熟，點解要幫你買？我就打去問，問吓幾錢有冇現貨，再轉介返畀佢哋。」

逐步設下陷阱

由此，阿旦提醒說：「有貪念真係要小心！佢點樣呃我呢？佢畀咗個contact我，我就問佢有冇現貨，佢哋又好快覆我喎。正常深圳公司唔會咁快，同埋佢哋唔會用whatsapp。」

她表示，對方希望與新客戶有合作關係，所以會給予批發價，又指只需先付一半訂金：「我奇怪，點解所有嘢都咁順，佢又係用whatsapp打電話畀我，同埋正常佢係用wechat。最古怪係咩？佢係一部輪椅主動平2千蚊畀我！即係話25張輪椅，每張2千，就係5萬。如果你有貪念幫人做呢個trade，你就可以賺到5萬蚊呢，你就太天真啦！」

▼點擊圖片放大

+19

+18

緊記便宜莫貪

鄧洢玲此時已覺當中有古怪，即日上網查這間護老院，然後直接打去查詢：「我問有冇個林生，佢哋話冇。再問多句：『你哋禮拜四五有冇一個活動係帶老友記出去？』佢哋就話：『冇喎！真係冇喎！』咁我就知係個電話詐騙。」

她續稱：「然後聲稱係護老院個人，就傳咗張receipt，寫住乜乜乜護老院轉咗25萬，就話買輪椅嘅錢，就話：『我轉咗錢，你快啲幫我訂輪椅啦！』另一邊賣輪椅嘅又話：『一點我有車落香港，你一定要入錢畀我。我先趕得切畀貨你。』我睇返e-banking，佢真係入咗25萬落我戶口！」

不過阿旦發現這筆「25萬」是由支票入帳，即要第二天才可以收款。鄧洢玲表示這時已肯定是一場騙案，於是拒為對方付款：「跟住另一邊就話：『唔緊要，我過住關先，你求其過住幾萬蚊畀我先啦！』即係用到求其過住幾萬蚊，呃我廿幾萬變十幾萬，然後到幾萬蚊都殺，咁我梗係冇理佢啦。」

鄧洢玲最後表示對方也沒再聯絡她，而阿旦亦打了電話酊銀行報備。

最新影片推介：

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5